જાવેદ અખ્તરે
‘ઍનિમલ’નું નામ લીધા વગર કહ્યું કે એના જેવી ફિલ્મોની સફળતા ખૂબ ડેન્જરસ છે. સંદીપ રેડ્ડી વેન્ગા દ્વારા ડિરેક્ટ કરવામાં આવેલી આ ફિલ્મમાં ભારે હિંસા દેખાડવામાં આવી છે. કેટલાંક દૃશ્ય એવાં હતાં જેની ઘણી નિંદા કરવામાં આવી હતી. જોકે રણબીર કપૂરની આ ફિલ્મે બૉક્સ-ઑફિસ પર કમાલ કરી હતી. તેમણે આ વિશે વાત કરતાં ઔરંગાબાદમાં યોજાયેલા ફિલ્મ ફેસ્ટિવલમાં જાવેદ અખ્તરે કહ્યું કે ‘મારું માનવું છે કે આ સમય ખૂબ મહત્ત્વનો છે.
યુવાન ફિલ્મમેકરે આજે સમજવું જોઈએ કે તેમણે કેવા પાત્રને સ્ક્રીન પર દેખાડવું છે. કોઈ ફિલ્મમાં પુરુષ કોઈ મહિલાને તેનાં શૂઝ ચાટવાનું કહે અથવા મહિલાને તમાચો મારે એ યોગ્ય છે. આવી ફિલ્મ સુપરડુપર હિટ થાય તો એ ડેન્જરસ કહેવાય. આજના સમયમાં મોટી જવાબદારી ફિલ્મમેકર પર નહીં, પરંતુ દર્શકો પર છે. દર્શકોએ નક્કી કરવાનું છે કે કેવા પ્રકારની ફિલ્મો બનવી જોઈએ અને કેવા પ્રકારની ફિલ્મો ન બનવી જોઈએ. ફિલ્મોમાં કેવી મોરાલિટી અને વૅલ્યુ દેખાડવી જોઈએ અને કેવી ન દેખાડવી જોઈએ.’