જો તમે ચાઈનીઝ ફૂડ ખાવાના શોખીન છો અને પનીર ચીલી ખાવાનું પસંદ કરો છો તો આ રેસિપી ખાસ તમારા માટે છે. આ રેસિપીને ફોલો કરીને તમે સરળતાથી ઘરે જ રેસ્ટોરન્ટ જેવી ટેસ્ટી પનીર ચીલી બનાવીને ખાઈ શકો છો. પનીર ચીલીની આ રેસિપીને બનાવવા માટે કેપ્સીકમ અને પનીરનો ઉપયોગ કરવામાં આવે છે. તમે આ રેસિપીને સાંજના નાસ્તામાં અથવા કોઈ પાર્ટીમાં ડીશને સર્વ કરી શકો છો.
તો ચાલો જાણીએ પનીર ચીલી કેવી રીતે બનાવવી.
સામગ્રી
200 ગ્રામ પનીર
1 કપ ડુંગળી
3 લીલાં મરચા સમારેલ
1 કપ કેપ્સિકમ
2 ચમચી જીણુ સમારેલું આદુ-લસણ
1 કપ લીલી ડુંગળી
2 ચમચી કોર્ન ફ્લોર
2 ચમચી કોર્ન ફ્લોર પેસ્ટ
2 ચમચી ચીલી સોસ
2 ચમચી સોયા સોસ
-1 ચમચી ટોમેટો સોસ
1 ચમચી વિનેગાર
લાલ મરચું પાવડર
મરી પાવડર
મીઠું
તેલ
બનાવવાની રીત
સૌથી પહેલા પનીરના નાના ચોરસ ટુકડા કરી લો, તેની ઉપર થોડો કોન ફ્લોર, મરી પાવડર અને મીઠું છાંટી બરાબર મિક્સ કરી પનીરને ગોલ્ડન બ્રાઉન તળી નાખો. તળેલા પનીરના ટુકડાને એક વાસણમાં કાઢી લો.
હવે એક કડાઈમાં તેલ મૂકો, જ્યારે તેલ ગરમ થઈ જાય ત્યારે તેમાં આદુ અને લસણ સાંતળો. ત્યારબાદ કડાઈમાં લીલા મરચા, કેપસીકમ, ડુંગળી અને લીલી ડુંગળી નાખો. થોડીવાર સુધી પકાવો.
હવે તેમા ચીલી સોસ, સોયા સોસ, ટોમેટો સોસ, વિનેગાર અને લાલ મરચું પાવડર નાખી મિક્સ કરો. આ મિશ્રણમાં તળેલા પનીરના ટુકાડા નાખીને બરાબર મિક્સ કરો.
તો તૈયાર છે ટેસ્ટી પનીર ચીલી, હવે આ પનીર ચીલીને એક બાઉલમાં ગરમા-ગરમ સર્વ કરો.