જેલમાંથી બહાર આવ્યા પછી એલ્વિશ યાદવે શેર કરી પોસ્ટ, મચી ગઇ હલચલ

યુટ્યુબર એલ્વિશ યાદવને જામીન મળી ગયા છે. બિગ બોસ ઓટીટી વિનર એલ્વિશને જામીન પર NDPSની લોઅર કોર્ટમાં સુનવણી થઇ. એલ્વિશને 50-50 હજારના બેલ બોન્ડ પર જામીન મળ્યા છે. ધરપકડના 5 દિવસ પછી એલ્વિશ યાદવ જેલમાંથી બહાર આવ્યો છે. જો કે જેલમાંથી બહાર આવતાની સાથે ચર્ચામાં આવી ગયો છે. સોશિયલ મિડીયામાં જેલમાંથી બહાર આવ્યા પચી એલ્વિશ યાદવે પહેલી પોસ્ટ શેર કરી છે.
આ પોસ્ટ ચર્ચાનો વિષય બન્યો છે.
જેલમાંથી બહાર આવ્યા પછી એલ્વિશ યાદવે પહેલી પોસ્ટ કરી

એલ્વિશે જેલમાંથી બહાર આવ્યા પછી પહેલી પોસ્ટ શેર કરી છે. આ તસવીરમાં એલ્વિશ લક્ઝરી કારની વચ્ચે ઉભેલો નજરે પડે છે. વ્હાઇટ શર્ટની સાથે બ્લેક સ્લિવલેસ જેકેટ અને બ્લૂ ડેનિમ જીન્સ પહેર્યુ છે. આ પોસ્ટ પર બિગ બોસ 17 ફેમ અભિષેક ડોભાલે લખ્યુ છે કે ભાઇ તમને જોઇને બહુ ખુશી થઇ છે. જ્યારે કેટલાક પ્રશંસકોએ લખ્યુ છે કિંગ ઇઝ બેક. ખાસ વાત તો એ છે કે એલ્વિશ યાદવની આ તસવીર નહીં પરંતુ કેપ્શન લોકોનું ધ્યાન ખેંચી રહ્યું છે.
એલ્વિશ યાદવની પોસ્ટથી હલચલ મચી ગઇ

એલ્વિશ યાદવે ફોટો શેર કરતા કેપ્શનમાં લખ્યુ છે કે સમય દેખાતો નથી, પરંતુ ઘણું બધુ દેખાડી જાય છે. એલ્વિશે ઇન્સ્ટાગ્રામ પર સ્ટોરી પર એક તસવીર શેર કરી હતી જેમાં એને ફેન્સને થમ્સ અપ કરતો જોવા મળી રહ્યો છે. આમ, તમને જણાવી દઇએ કે બિગ બોસ ઓટીટી 2 વિજેતાના નોયડા પોલીસે સાપના ઝેરના મામલે ધરપકડ કરી હતી. ઉલ્લેખનીય છે કે મેનકા ગાંધીની સંસ્થા પીપલ ફોર એનિમલ્સના એનિમલ વેલફેર ઓફિસર ગૌરવ ગુપ્તાએ આ મામલે ફરિયાદ કરી હતી. ફરિયાદના આધારે નોઇડાના સેક્ટર 49 વિસ્તારમાં દરોડા પાડવામાં આવ્યા હતા.
શું છે મામલો?

8 નવેમ્બરે નોઈડા પોલીસે રેવ પાર્ટીમાં સાપના ઝેરના ઉપયોગના મામલામાં એલ્વિશ યાદવની એફઆઈઆર નોંધી હતી. આ કેસમાં યુટ્યુબર એલ્વિશ યાદવ પણ આરોપી છે. પોલીસે પાંચ લોકોની ધરપકડ કરી હતી. જેમાં રાહુલ, તિતુનાથ, જયકરણ, નારાયણ અને રવિનાથનો સમાવેશ થાય છે.