એપ્રિલ 2025માં ફિલ્મ રિલીઝ થશે, યશના કો-સ્ટાર્સ અંગે સસ્પેન્સ
કન્નડ એક્ટર યશને KGF અને KGF 2ના કારણે દેશ-વિદેશમાં ઓળખ મળી છે. KGF 3નું શૂટિંગ શરૂ થાય તે પહેલા યશની આગામી ફિલ્મ જાહેર થઈ છે. સાઉથના રોકિંગ સ્ટાર યશની નવી ફિલ્મની આતુરતાથી રાહ જોવાતી હતી. યશે પોતાની આગામી ફિલ્મનું ટાઈટલ જાહેર કરવાની સાથે રિલીઝ ડેટ પણ જણાવી છે.
યશની આ ફિલ્મ માટે 2025 સુધી રાહ જોવી પડશે. તેનું નામ ‘ટોક્સિક- અ ફેરી ટેલ ફોર ગ્રોન અપ્સ’ રાખવામાં આવ્યું છે. વીડિયો શેર કરીને યશે નવી ફિલ્મ અંગે વાત કરી છે.
યશના સોશિયલ મીડિયા એકાઉન્ટ પર શેર થયેલા વીડિયોમાં પત્તાનો ઝોકર જોવા મળે છે. કેપ્શનમાં યશે જણાવ્યું છે, તમે જેને શોધી રહ્યા છો, તે તમને શોધે છે – રૂમી. સોશિયલ મીડિયા પર ટોક્સિકનો એનાઉન્સમેન્ટ વીડિયો ઝડથી વાઈરલ થઈ રહ્યો છે. યશના ચાહકો સહિત લાખો સોશિયલ મીડિયા યુઝર્સ આ વીડિયો પર કોમેન્ટ કરી રહ્યા છે. ટોક્સિકનું ડાયરેક્શન મુથોન ફેમ ગીતુ મોહનદાસ કરશે અને કેવીએન પ્રોડક્શન્સ દ્વારા નિર્માણ થશે. 10 એપ્રિલ 2025ના રોજ તેને થીયેટરમાં રિલીઝ કરવામાં આવશે. તાજેતરમાં યશે પોતાની સોશિયલ મીડિયા પ્રોફાઈલમાં ડિસ્પ્લે ફોટો બદલીને ‘લોડિંગ’ કર્યુ હતું. ટોક્સિકમાં યશની સાથે અન્ય કયા સ્ટાર્સ હશે તેની જાણકારી હજુ અપાઈ નથી. ફિલ્મના શૂટિંગ શીડ્યુલ અને કો-સ્ટાર્સની માહિતીની હવે રાહ જોવાઈ રહી છે.