યામી ગૌતમ ધરની ‘આર્ટિકલ 370’ની સ્ટોરી જમ્મુ અને કાશ્મીરમાંથી આર્ટિકલ 370 હટાવવાના ઘટનાક્રમ પર આધારિત છે. આ ફિલ્મને યામીના હસબન્ડ આદિત્ય ધર અને જ્યોતિ દેશપાંડેએ પ્રોડ્યુસ કરી છે અને આદિત્ય સુહાસ જાંભલેએ ડિરેક્ટ કરી છે. આ ફિલ્મમાં યામી ઇન્ટેલિજન્સ ઑફિસર ઝૂની હકસરના રોલમાં છે. તે આતંકવાદ અને આતંકવાદીઓના સફાયા માટે કામ કરે છે.
તેની ઇચ્છા છે કે આ ક્ષેત્રમાં વધુ ને વધુ મહિલાઓ કામ કરવા આગળ આવે. એ વિશે યામીએ કહ્યું કે ‘જો તમારા દર્શકો ફિલ્મ સાથે પર્સનલ લેવલ પર કનેક્ટ થાય અને તેમની ટીનેજ દીકરીઓને એમ કહે કે તારે હવે IB (ઇન્ટેલિજન્સ બ્યુરો) અથવા તો NIA (નૅશનલ ઇન્વેસ્ટિગેશન એજન્સી) ઑફિસર બનવાનું છે તો એ મારા માટે ખરેખર મોટી સિદ્ધિ રહેશે.’
38.82 – સાત દિવસમાં ‘આર્ટિકલ 370’નો આટલા કરોડ રૂપિયાનો બિઝનેસ થયો છે.