સમગ્ર ભારતમાં હાલ એક પ્લેયર ચર્ચામાં છે, અને તે છે રિન્કુ સિંહ. રિન્કુ સિંહને મહેન્દ્ર સિંહ ધોનીની જેમ ફિનિશરની જેમ હાલ જોવામાં આવી રહ્યો છે. લાસ્ટ ઓવર્સમાં આવીને તેની સિક્સ હિંટિંગ સ્કિલે વિશ્વનું ધ્યાન તેની તરફ ખેંચ્યું છે. ઓસ્ટ્રેલિયા ટીમ હાલ ભારતના પ્રવાસે 5 ટી-20ની શ્રેણી રમી રહી છે, તેમાં બીજી ટી-20માં રિન્કુ સિંહે આક્રમક બેટિંગ કરી 9 બોલમાં 31 રન બનાવી દીધા હતા, જેમાં 2 છગ્ગા અને 4 ચોગ્ગાનો સમાવેશ થાય છે.
જેની મદદથી ટીમ ઈન્ડિયાએ ઓસ્ટ્રેલિયાને 236 રનનો પહાડ સમાન સ્કોર આપ્યો હતો. રિન્કું સિંહ બનવું સહેલુ નથી, તે પ્લેયરની સ્ટ્રગલ સ્ટોરી ખરેખર ભાવુક છે. આવો જાણીએ રિન્કુ સિંહની અહીં સુધી પહોંંચવા સુધીની સફર.
અલીગઢનો રહેવાસી 25 વર્ષનો રિન્કુ સિંહ સારો ફિલ્ડર અને યુવા ટેલેન્ટ ગણાય છે. રિન્કુ એક ગરીબ પરિવારમાંથી આવે છે. જે બોલને આજે તે બાઉન્ડ્રીની પાર પહોંચાડે છે તે બોલ ખરીદવાના પણ તેની પાસે પૈસા ન હતા.
રિન્કુના પિતા એક ગેસ સિલિન્ડર વેન્ડર હતા, તેને ચાર ભાઈ છે જેમાં કોઈ ઓટો ચલાવે છે તો કોઈ મજૂરી કરે છે. બે ટંકના ભોજન માટે રિન્કુના પરિવારના લોકોને કાળી મજૂરી કરવી પડતી હતી. રિન્કુ પરિવારમાં સૌથી નાનો છે. રિન્કુ જ્યારે ક્રિકેટ રમતો ત્યારે તેના પિતા ભારે ગુસ્સો કરતા હતા. જો કે રિન્કુને સ્કૂલના સમયથી જ ક્રિકેટ રમવાનું ગમતું હતું અને તે ફ્રી ટાઈમમાં પોતાના મિત્રોની સાથે ક્રિકેટ રમતો હતો, જેમાં તેણે મજા આવતી હતી. આ વાતનો ખુલાસો રિન્કુ સિંહે કોલકાતા નાઈટ રાઈડર્સની વેબસાઈટ પર રહેલા એક વીડિયોમાં કર્યો છે.
રિન્કુના જીવનને બદલવામાં ત્રણ લોકોનું મોટું યોગદાન રહ્યું છે. રિન્કુ સિંહ પોતે પણ પોતાનું ભવિષ્ય ક્રિકેટમાં જ બનાવવું છે તેવું નક્કી કરી લીધું હતું. તેના બધાં જ ભાઈ તેને સહયોગ આપતા હતા. આ વચ્ચે બે વખત અંડર-16 ટ્રાયલના પહેલા રાઉન્ડમાં તે બહાર થઈ ગયો. એવું એટલા માટે કેમકે તેણે પ્રોપર ટ્રેનિંગ મળતી ન હતી. એવામાં અલીગઢના મોહમ્મદ જીશાન તેની મદદ માટે આગળ આવ્યો. જે બાદ રિન્કુ સિંહને શરૂઆતના દિવસોમાં અલીગઢના જ મસૂદ અમીન પાસેથી કોચિંગ મળવા લાગ્યું. મસૂદ આજે પણ તેમના કોચ છે.
2018માં KKRએ ખરીદ્યો
રિન્કુ સિંહને વર્ષ 2018માં કોલકાતા નાઈટ રાઈડર્સે 80 લાખ રુપિયામાં પોતાની સાથે જોડ્યો. જો કે 5 વર્ષ બાદ રિન્કુ સિંહે તે પરાક્રમ કરી દેખાડ્યું અને સુપરસ્ટાર બની ગયો. તેણે 21 બોલમાં 48 રનની શાનદાર ઈનિંગ રમીને અશક્યને શક્ય બનાવી દીધું. ગુજરાત સામેની ઈનિંગમાં રિન્કુએ 1 ચોગ્ગા અને 6 છગ્ગા ફટકાર્યા અને પોતાની ટીમને KKRને શાનદાર જીત અપાવી હતી.