આપણને તંદુરસ્ત રાખવામાં આપણો આહાર મહત્વની ભૂમિકા ભજવે છે, તેથી જ આપણે હેલ્ધી વસ્તુઓનું સેવન કરવું જોઈએ. પરંતુ ઘણી વખત લોકો ઉતાવળમાં કંઈપણ તૈયાર કરે છે અને ખાય છે, તેઓ ભૂલી જાય છે કે તે આપણા સ્વાસ્થ્ય માટે ફાયદાકારક છે કે નહીં? કારણ કે આપણા શરીરને પ્રોટીન, કેલ્શિયમ સહિત અન્ય ઘણા પોષક તત્વોની જરૂર હોય છે.
આવી સ્થિતિમાં જો તમે કંઈક હેલ્ધી ડીશ ખાવા માંગતા હોવ, તો રાજમા સેન્ડવિચ તમારા માટે બેસ્ટ ઓપ્શન છે. તમે રાજમા સેન્ડવિચનું સેવન કરી શકો છો. તેનો સ્વાદ તો એકદમ ટેસ્ટી છે જ સાથે-સાથે તે સ્વાસ્થ્ય માટે પણ ખૂબ ફાયદાકારક છે. તમે તેને સવારના નાસ્તામાં ખાઈ શકો છો, તમારા બાળકોને તેમના ટિફિનમાં આપી શકો છો અથવા સાંજના નાસ્તામાં ચા સાથે પણ ખાઈ શકો છો. તો ચાલો ફટાફટ નોંધી લો તેની રેસીપી…
સામગ્રી
- રાજમા- 1 કપ
- બ્રેડ – 4
- ડુંગળી – 1 (સ્લાઈસમાં કાપેલી)
- ટામેટા – 1 (સ્લાઈસમાં કાપેલા)
- મીઠું – સ્વાદ મુજબ
- લીલા મરચા – 2 સમારેલા
- ચીઝ – 2 ચમચી
- બટર – 2 ચમચી
બનાવવાની રીત
- સૌથી પહેલા એક વાસણમાં રાજમા, ડુંગળી, લીલા મરચા વગેરે મિક્સ કરીને મિશ્રણ તૈયાર કરો.
- હવે એક પેન ગરમ કરો, આ મિશ્રણને થોડું પકાવી લો અને તેને પ્લેટમાં કાઢી લો.
- આ પછી ચારેય બ્રેડ પર બટર લગાવો અને બ્રેડને એક જ પેનમાં મુકીને બંને બાજુ શેકી લો.
- હવે એક બ્રેડ પર રાંધેલું મિશ્રણ નાખીને સારી રીતે ફેલાવી લો અને બીજી બ્રેડને ઉપર મુકોય
- રાજમા સેન્ડવિચ તૈયાર છે, તેને લીલી ચટણી અને ટામેટા સોસ સાથે સર્વ કરો.