ડિરેક્ટર-પ્રોડ્યુસર નીરજ પાંડેએ ‘અ વેન્સ્ડે’, ‘બેબી’, ‘રુસ્તમ’, ‘નામ શબાના’, ‘ટૉઇલેટ : એક પ્રેમ કથા’, ‘વિક્રમ વેધા’ અને ‘ઑપરેશન રોમિયો’ બનાવી હતી. હવે તે ‘સીક્રેટ્સ ઑફ બુદ્ધા રેલિક્સ’માં શો રનર તરીકે દેખાય છે. એ શોને મનોજ બાજપાઈ હોસ્ટ કરી રહ્યો છે. નીરજે જણાવ્યું છે કે કલાકાર જ્યારે વિશાળ દર્શકો માટે કામ કરતા હોય તો તેમણે પોતાનો અહંકાર બાજુએ રાખવો જોઈએ.
એ વિશે નીરજ પાંડેએ કહ્યું કે ‘એક રાઇટર-ડિરેક્ટર તરીકે પહેલી વસ્તુ તમારે એ કરવી જોઈએ કે તમે જ્યારે તમારા કામને એડિટ કરો તો નિષ્પક્ષ રીતે કરવું જોઈએ. જો તમે આવું ન કરો તો તમે મુશ્કેલીમાં મુકાઈ શકો છો. અમે વિશાળ દર્શકો માટે સિરીઝ કાં તો ફિલ્મ બનાવીએ છીએ. તમારે એ જોવું જોઈએ કે લોકોને શું પસંદ આવી શકે છે. તમારે દર્શકો સાથે નિષ્પક્ષ રહેવું જોઈએ. તેઓ તમારું કામ જોવા આવે છે. એથી તમારે ઘમંડ બાજુએ રાખવો જોઈએ.’