ઘણા લોકોને મસાલા ભીંડીનું શાક ખૂબ જ ભાવતું હોય છે. જે લોકો મસાલેદાર ખાવાના શોખીન છે, તેમને મસાલા ભીંડી ખૂબ જ ભાવે છે. ભીંડાનાનું શાક તો લગભગ બધા જ ઘરોમાં બનતું જ હોય છે. જો તમને પણ ભીંડાનું શાક પસંદ છે, તો હવે તમે અમારા દ્વારા જણાવવામાં આવેલી આ રેસિપી ટ્રાય કરીને મસાલા ભીંડીનું શાક બનાવી શકો છો. આ રેસિપીની મદદથી તમે સ્વાદિષ્ટ મસાલા ભીંડીના શાકને તૈયાર કરીને ખાઈ શકો છો.
આ શાક બધાને ખૂબ જ ભાવશે. ફટાફટ નોંધી લો મસાલા ભીંડીની એકદમ સરળ રેસિપી
મસાલા ભીંડી બનાવવા માટે સામગ્રી:
ભીંડો – 250 ગ્રામ, ટામેટા – 1, ડુંગળી – 1, લાલ મરચું પાવડર – 1/2 ચમચી, જીરું – 1 ચમચી, ધાણાજીરું પાવડર – 1 ચમચી, આદુ-લસણની પેસ્ટ – 1 ચમચી, આમચૂર પાવડર – 1/4 ચમચી, કસુરી મેથી – 1/2 ચમચી, ચાટ મસાલો – 1/4 ચમચી, ગરમ મસાલો – 1/4 ચમચી, તેલ – જરૂર મુજબ, મીઠું – સ્વાદ મુજબ
બનાવવાની રીત
મસાલા ભીંડી બનાવવા માટે તાજો ભીંડો ખરીદીને લાવો. તેને સારી રીતે ધોઈ લો, પછી પંખાની હવામાં સૂકવો. આ પછી ડુંગળી અને ટામેટાને બારીક સમારી લો.
હવે ગેસ પર એક કડાઈ મૂકો અને તેમાં તેલ ઉમેરીને ગરમ કરો. હવે તેમાં સમારેલા ભીંડાને ઉમેરીને હળવા ફ્રાય કરો. ત્યાર બાદ ભીંડાને પ્લેટમાં કાઢી લો, હવે કડાઈમાં થોડું વધુ તેલ નાખો, પછી જીરું નાખીને તતડાવો.
પછી તેમાં ડુંગળી, આદુ અને લસણની પેસ્ટ નાખીને તતડાવો. 2-3 મિનિટ પછી તેમાં ટામેટાં ઉમેરો. હવે તેમાં લાલ મરચું પાઉડર, ધાણાજીરું પાવડર, હળદર નાખીને મિક્સ કરો અને થોડીવાર માટે ચડવા દો. આ સમય દરમિયાન ગેસની આંચ ધીમી રાખો.
ટામેટાં હળવા શેકાઈ જાય એટલે તેમાં ગરમ મસાલો, કસુરી મેથી, ચાટ મસાલો અને આમચુર પાવડર નાખીને બરાબર પકાવો. ત્યારબાદ તેમાં ભીંડો ઉમેરીને બરાબર હલાવી લો. પછી ઢાંકીને 10 મિનિટ સુધી શાકને બરાબર પકાવો. તમારું ભીંડી મસાલાનું શાક તૈયાર છે, તેને રોટલી અથવા પરાઠા સાથે સર્વ કરો.