બોલીવૂડ એક્ટ્રેસ કંગના રનૌતેએ અંબાણી પરિવારના નાના પુત્ર અનંત અંબાણીની ભરપૂર પ્રશંસા કરી છે. કંગનાએ લખ્યું છે, અનંતની સારી વાત એ છે કે તે કલ્ચરથી જોડાયેલા છે અને બોલીવૂડ માફિયાથી દૂર છે.
ઉલ્લેખનીય છે કે, હાલ અનંત અંબાણી અને રાધિકા મર્ચન્ટનું પ્રિ-વેડીંગ ફંકશન ચાલી રહ્યું છે, જેના ભાગરૂપે જામનગરમાં અનંત અને રાધિકાએ અન્ન સેવા કરી હતી, જ્યાં તેમણે ખુદે સૌને ભોજન પીરસ્યું હતું.
અનંતનો એક વીડિયો બહાર આવ્યો છે જેમાં અનંત પોતાના ભાઇ-બહેન વિષે જે વાત કરે છે તેની ખૂબ પ્રશંસા થાય છે. કંગનાએ પણ આ વીડિયો શેર કરીને અનંતને સારો માણસ જણાવ્યો હતો.
ખરેખર તો વીડિયોમાં જ્યારે અનંતને પૂછવામાં આવે છે કે, તેના અને ભાઇ-બહેન વચ્ચે કોઇ કોમ્પિટીશન રહે છે તો અનંત કહે છે – કોઇ ચિંતા નથી, મારો ભાઇ રામ છે અને મારી બહેન એકદમ મારા માટે માતાજીના સ્વરૂપમાં આવીને મારી રક્ષા કરે છે. જેમ તે કહેશે તેમ હું કહીશ. અમારા વચ્ચે કોઇ અંતર નથી, કોઇ કોમ્પિટીશન નથી.
અનંતના આ શબ્દોમાં કંગનાએ વખાણ કર્યા છે. કંગનાએ લખ્યું અનંત પોતાના કલ્ચરથી જોડાયેલા અને સેન્સીબલ લાગે છે. આ સિવાય તે બોલીવૂડના માફિયા ડ્રગ્સનો ઉપયોગ કરનાર ગેંગની સાથે ફરતો નથી તેમને મારી શુભકામના.
કંગનાની પોસ્ટ પર યુઝર્સના રિએકશન આવી રહ્યા છે. યુઝર્સે લખ્યું અમને લાગતું હતું કે, અંબાણી પરિવારના બાળકો ખુશનશીબ છે કે, તેમને નીતાબેન અને મુકેશભાઇ જેવા પેરેન્ટ્સ મળ્યાં.