ભારતીય ટીમે પાંચમી અને છેલ્લી ટેસ્ટ મેચમાં અંગ્રેજોને માત આપીને 5 મેચની ટેસ્ટ સિરીઝ 4-1થી જીતી લીધી છે. ત્યારે હવે જીતનો ફાયદો ભારતીય ટીમને રેન્કિંગમાં મળ્યો છે. ભારતીય ટીમ ઓસ્ટ્રેલિયાને પાછળ રાખીને ટેસ્ટમાં ટોચના સ્થાને પહોંચી ગઈ છે. આ સાથે જ ‘રોહિત બ્રિગેડ’ તમામ ફોર્મેટમાં નંબર-1 બની ગઈ છે. ભારતીય ટીમ પહેલેથી જ ટી20 અને વનડેમાં ટોપ પર હતી.
તમામ ફોર્મેટમાં નંબર-1 ભારતીય ટીમ
ટેસ્ટ રેન્કિંગમાં હાલ ટીમ ઈન્ડિયા પાસે 122 રેટિંગ પોઈન્ટ છે. ટી20માં 266 રેટિંગ પોઈન્ટ અને વનડેમાં 121 રેટિંગ પોઈન્ટ છે. હાલમાં ન્યૂઝીલેન્ડ અને ઓસ્ટ્રેલિયા વચ્ચે ટેસ્ટ સિરીઝ રમાઈ રહી છે. પરંતુ આ સિરીઝના પરિણામની અસર ભારતીય ટીમની રેન્કિંગ પર પડશે નહીં.
WTC Points Tableમાં પણ ટોપ પર ભારતીય ટીમ
ધર્મશાળામાં એક ઈનિંગ અને 64 રનથી જીત મેળવ્યા બાદ ભારતીય ટીમ WTC Points Tableમાં પણ મજબૂત સ્થિતિમાં છે. હાલ ભારતીય ટીમ 68.51 ટકા સાથે ટોપ પોઝિશન પર છે.