હોટલ જેવા દાલફ્રાયજીરા રાઈસ ઘરે કેવી રીતે બનાવવા તે આજે ગુજરાતી જાગરણ તમને અહીં જણાવશે. દાલફ્રાયમાં ખાસ કરીને તેના તડકાનો જ કમાલ છે. સાથે તેમા ઉમેરવામાં આવતા મસાલા અને બનાવવાની રીત મહત્વનો ભાગ ભજવે છે તો જાણો રેસ્ટારાં જેવી દાલફ્રાય અને જીરા રાઈસ કેવી રીતે બનાવવા.
હોટલ જેવા દાલફ્રાય જીરા રાઈસ બનાવવાની સામગ્રી
લાંબા ચોખા
તુવારદાળ
હળદર
મીઠું
જીરું
હીંગ
સુકા લાલ મરચા
લીલા મરચા
સમારેલી ડુંગળી
સમારેલું લસણ
ટામેટા
ધાણાજીરું
ગરમ મસાલો
લાલા સુકા મરચા
કોથમરી
ઘી
તેલ
કસુરી મેથી
આદુની પેસ્ટ
લીલા મરચા
હોટલ જેવી દાલફ્રાય બનાવવાની રીત
એક વાટકો તુવેર દાળ લો. તેને પાણીથી ધોઈ લેવી કૂકરમાં તેમા પાણી, હળદર, મીઠું ઉમેરી બાફી લો.
હવે કઢાઈમાં ઘી અને તેલ લો. તેમા જીરું, હીંગ, સુકા લાલ મરચા, લીલા મરચા, સમારેલી ડુંગળી, સમારેલું લસણ ઉમેરી સાતળો. પછી તેમા આદુની પેસ્ટ ઉમેરો.
હવે તેમા સમારેલું ટામેટું ઉમેરો અને 4 મિનિટ પાકવા દો.
પછી તેમા લાલ મરચું પાવડર, ગરમ મસાલો, ધાણાજીરું, હળધર ઉમેરી મિક્સ કરો.
હવે બાફેલી દાળ અહીં ઉમેરવી સાથે એક કપ પાણી ઉમેરો. સ્વાદ મુજબ મીઠું ઉમેરી 4 મિનિટ ઉકળવા દો.
હવે કોથમરી અને કસુરી મેથી ઉમેરો. પછી ગેસ બંધ કરી દો.
હવે નાના વઘારિયામાં એક ચમચી ઘી લો. પછી તેમા જીરું, હીંગ, લસણ ઉમેરો. પછી થોડીવાર સાતળો, પછી ગેસ બંધ કરી લાલ મરચું પાવડર ઉમેરી પછી દાળ પર આ વઘાર ઉમેરી દો.
હોટલ જેવા જીરા રાઈસ બનાવવાની રીત
મોટી તપેલીમાં પાણી લો તેમા મીઠું અને તેલ ઉમેરી પાણીને ઉકાળો. પચી તેમા લાંબા ચોખાને ધોઈને ઉમેરો.
મિડિયમ ગેસ પર આ ચોખાને 8 મિનિટ પાકવા દો. ભાત વધારે ન બફાય તેનું ધ્યાન રાખવું નહીંતર તૂટી જશે.
ભાત તૈયાર થઈ જાય એટલે ભાતિયામાં લઈ પાણી કાઢી લેવું.
એક કઢાઈમાં ઘી લો. પછી તેમા જીરું ઉમેરો. પછી લવિંગ, તજ, તમાલપત્ર ઉમેરો.
પછી ભાત તેમા ઉમેરો અને મિક્સ કરી દો. ઉપર થોડી કોથમરી ઉમેરી દો. તૈયાર છે તમારા રેસ્ટોરાં જેવા જીરા રાઈસ.