મુકેશ ખન્નાની સિરિયલ ‘શક્તિમાન’ પર ફિલ્મ બનવાની છે અને એ ફિલ્મમાં લીડ રોલમાં રણવીર સિંહ દેખાશે એવી ચર્ચા છેલ્લા ઘણા સમયથી ચાલી રહી છે. હવે તેના પર પોતાનો રોષ ઠાલવતાં મુકેશ ખન્નાએ કહ્યું છે કે તે ગમે એટલો મોટો સ્ટાર હોય, પરંતુ તે ‘શક્તિમાન’ તો ન જ બની શકે. સાથે જ ૨૦૨૨માં રણવીરના ન્યુડ ફોટોગ્રાફે ખૂબ હલચલ મચાવી દીધી હતી. એને લઈને પણ મુકેશ ખન્નાએ નારાજગી વ્યક્ત કરી છે.
રણવીરનો અને પોતાનો ફોટો ઇન્સ્ટાગ્રામ પર શૅર કરીને મુકેશ ખન્નાએ લખ્યું છે : ‘પૂરા સોશ્યલ મીડિયા મહિનોં સે અફવા સે ભરા પડા થા કિ રણવીર કરેગા ‘શક્તિમાન’. ઔર હર કોઈ નારાઝ થા ઇસે લેકર. મૈં ચુપ રહા. લેકિન જબ ચૅનલ્સને ભી ઐલાન કરના શુરુ કર દિયા કિ રણવીર સિંહ ફાઇનલ હો ગયા હૈ તો મુઝે મુંહ ખોલના પડા ઔર મૈંને બોલ દિયા કિ ઐસી ઇમેજવાલા વ્યક્તિ કિતના બડા સ્ટાર ક્યોં ન હો, ‘શક્તિમાન’ નહીં બન સકતા. હું મારી વાત પર અડગ રહ્યો. અબ આગે આગે દેખિએ હોતા હૈ ક્યા?’ રણવીરના ન્યુડ ફોટોગ્રાફને લઈને તેને સલાહ આપતાં મુકેશ ખન્ના કહે છે, ‘એવી ફિલ્મોમાં તારે કામ કરવું જોઈએ જ્યાં તને વારંવાર ન્યુડ સીન કરવાની તક મળે.’
‘મેં પ્રોડ્યુસર્સને કહ્યું છે કે તમારી કૉમ્પિટિશન ‘સ્પાઇડર મૅન’, ‘બૅટમૅન’ અને ‘કૅપ્ટન પ્લૅનેટ’ સાથે નથી. ‘શક્તિમાન’ માત્ર એક સુપરહીરો નથી, એ તો એક સુપર ટીચર બની ગયો છે. જે પણ ઍક્ટરને આ રોલ આપવામાં આવે તેનામાં એવી ક્વૉલિટી હોવી જોઈએ કે તે જ્યારે પણ વાત કરે તો લોકો તેને ધ્યાનથી સાંભળે. એવા અનેક ઍક્ટર્સ છે, પરંતુ તેમની ઇમેજ આડી આવે છે.