ભાવતા શાક સાથે ગરમ ગરમ ડબલ પડવાળી રોટલી હોય તો ખાવાની મજા જ કંઈક અલગ બની જાય છે. ચાર રોટલી ખાનાર છ રોટલી ખાઈ લે છે. સૌથી મોટો સવાલ એ છે કે ડબલ પડવાળી રોટલી કેવી રીતે બનાવવી એ સૌને મોટી મુંજવણ હોય છે. ડબલ પડવાળી રોટલી બનાવી તો દઈએ પણ શેકાઈ ગયા પછી તે અલગ પડતી નથી.
ડબલ પડવાળી રોટલી માટે જરૂરી સામગ્રી
ઘઉનો લોટ
તેલ
પાણી
થોડું મીઠું
ડબલ પડવાળી રોટલી બનાવવાની રીત
સૌથી પહેલા ઘઉનો લોટ લો તેમા થોડું તેલ ઉમેરી મોણ આપો.
બરાબર લોટ તેલ મિક્સ થઈ જાય પછી થોડું મીઠું ઉમેરી જરૂર મુજબ પાણી ઉમેરી લોટ બાંધો.
લોટ બહુ કડક અને બહુ ઢીલો ન રહે તે રીતે બાંધો.
લોટ બંધાઈ ગયા પછી ફરી તેલ ઉમેરી બરાબર લોટને બાંધો.
હવે થોડીવાર લોટને બાજુમાં મૂકી તમને ભાવતું શાક બનવા મૂકી દો.
લોટના મીડિયમ સાઈઝના લુવા બનાવી લો.
આ દરેક લુવા પર તેલ સારા એવા પ્રમાણમાં લવાગી લો.
હવે આ લુવાને ઘઉંના લોટમાં મૂકી બરાબર તેલ પર લોટ ચોટી જાય પછી બે લૂવાનો એ તેલ અને લોટ વાળો ભાગ ચીપકાવી રોટલી વણો.
હવે મિડિયમ ગેસ પર તવી મૂકી રોટલી શકી લો.
જેમ જેમ રોટલી શેકાતી જશે તેમ તેમ તે તેની જાતે અલગ થઈ જશે.
પછી રોટલી ઉતારી પડ અલગ કરી બન્ને બાજુએ ઘી લગાવો.
ગરમા ગરમ શાક અને છાસ સાથે આ રોટલી ખાઓ