સોશિયલ મીડિયા પર પ્રાણીઓના વીડિયોને ખૂબ જ પસંદ કરવામાં આવે છે. આ વીડિયો ઘણા પ્રકારના છે. નાના બાળકોથી માંડીને વૃદ્ધ લોકો આવા વીડિયોને પસંદ કરે છે. જેને લોકો માત્ર જોતા નથી, પરંતુ તેને મોટા પ્રમાણમાં શેર પણ કરવામાં આવે છે. ખાસ કરીને જો વીડિયો હાથીનો કે કૂતરા-બિલાડીનો હોય તો તે ઈન્ટરનેટ પર આવતાની સાથે જ વાયરલ થઈ જાય છે. જેમ આપણે બધા જાણીએ છીએ કે હાથીઓ ખૂબ જ શાંત, નમ્ર અને બુદ્ધિશાળી પ્રાણી છે. હાલમાં જ આ પ્રાણીની બુદ્ધિમત્તાનો એક વીડિયો આ દિવસોમાં ખૂબ જ વાયરલ થઈ રહ્યો છે. આ જોઈને તમે ચોંકી જશો.
ખોરાક સ્વચ્છ કરીને ખાય છે
વીડિયોમાં તમે જોઈ શકો છો કે, એક હાથી અને તેનું મદનિયું બંને જંગલમાં ઘાસ ખાઈ રહ્યાં છે. આ બચ્ચું તેની સૂંઢમાં વધારે ઘાસ લઈને તેને હવામાં જોરશોરથી હલાવી રહ્યો છે. આ વીડિયો જોયા પછી તમારા મનમાં એક જ સવાલ આવી રહ્યો હશે કે, નાનો ગજરાજ આવું કેમ કરી રહ્યો છે, તો ચાલો તમને જણાવી દઈએ કે તેને આવું કંઇક કરવામાં મજા નથી આવતી પરંતુ તે તેના માટે ખોરાક ખાવાની આ રીત છે. તે આવી રીતે ખોરાકને સ્વચ્છ કરીને ખાય છે.
તમને જણાવી દઈએ કે, આપણે મનુષ્યો સ્વચ્છ ખોરાક ખાવાનું પસંદ કરીએ છીએ કેમ કે તે આપણા સ્વાસ્થ્ય માટે સારૂ છે. હાથીઓ માટે પણ કંઈક આવું જ છે. હાથીનું મદનિયું આ પાંદડાને હવામાં જોરશોરથી હલાવતો રહ્યો, જેથી તેના પર ચોંટેલા જંતુઓ સાફ થઈ જાય અને તેને સારું અને સ્વચ્છ ઘાસ મળે.
આ વીડિયો IFS ઓફિસર સુશાંત નંદાએ સોશિયલ મીડિયા પ્લેટફોર્મ X પર શેર કર્યો છે. જેને 45 હજારથી વધુ લોકોએ નિહાળ્યો છે અને કોમેન્ટ કરીને પોતાનો પ્રતિભાવ આપવામાં આવી રહ્યો છે. એક યુઝરે લખ્યું, ‘કેટલીકવાર કેટલાક પ્રાણીઓ આપણને એવી વસ્તુઓ શીખવે છે જે પુસ્તકો આપણને કહી શકતા નથી.’ જ્યારે બીજા યુઝરે લખ્યું, ‘ખરેખર, આ હાથીઓ ખૂબ જ બુદ્ધિશાળી છે.’ અન્ય એક યુઝરે લખ્યું, ‘બધા હાથી છોડ ખાતી વખતે આવું કરે છે. તેઓ છોડમાંથી જંતુઓ દૂર કરવા માટે આમ કરે છે.