પરંતુ જો તમે તહેવારની સિઝનમાં તમારા સ્વાસ્થ્ય પર ધ્યાન આપી રહ્યા છો અને કોઈપણ પ્રકારનું તળેલું ખાવા ઈચ્છતા નથી. તો આ વખતે પોહામાંથી સ્વાદિષ્ટ ઉત્પમ તૈયાર કરો. આ માત્ર હેલ્ધી જ નહીં પરંતુ સવારના નાસ્તા માટે પરફેક્ટ ડિશ છે. જેનો સ્વાદ દરેકને પસંદ આવે છે. તો ચાલો જાણીએ કેવી રીતે બનાવવો પોહામાંથી બ્રેકફાસ્ટ.
સામગ્રી
1- કપ પોહા, 1/2 સોજી, 1- કપ દહીં, 2-3 લીલા મરચાં, 2 ચમચી શેકેલી મગફળી, મીઠું, 1 ડુંગળી બારીક સમારેલી, 1/4 મી કાળા મરી પાવડર, 1 ગાજર, 1 કેપ્સીકમ, 1 બારીક સમારેલ ટામેટા, કોથમીર બારીક સમારેલી, મસાલા, વાટેલું લાલ મરચું,1થી 2 ચમચી તેલ, સચંર
પોહા ઉત્તપમ બનાવવાની રીત
- સૌથી પહેલા પોહાને પાણીથી ધોઈ લો. ત્યારબાદ તેમાં સોજી અને દહીં નાખીને મિક્સ કરો. જરૂર મુજબ પાણી ઉમેરો અને લગભગ દસ મિનિટ સુધી ફૂલવા માટે છોડી દો.
- દસ મિનિટમાં આ ફૂલી જશે. મિક્સરમાં આ પેસ્ટ બનાવી લો. પેસ્ટ બનાવવા માટે મિક્સર જારમાં પોહા અને સોજીને મિક્સર ઉમેરો. સાથે લીલા મરચાં, શેકેલી મગફળી અને મીઠું મિક્સ કરો. થોડું પાણી ઉમેરીને ઘટ્ટ પેસ્ટ તૈયાર કરી લો.
- હવે આ પેસ્ટને કોઈ મોટા બાઉલમાં કાઢી લો. બારીક સમારેલી ડુંગળી, ટામેટા, કેપ્સિકમ, કોથમીર, ગાજર અને તમારી પસંદગીના શાકભાજી જેમ કે બીન્સ અથવા બ્રોકોલી પણ લઈ શકો છો.
- આ બધાને બેટરમાં મિક્સ કરી લો. સાથે કાળા મરીનો પાવડર પણ નાખીને મિક્સ કરો. સૌથી છેલ્લે તેમાં અડધી ચમચી બેકિંગ સોડા નાખીને મિક્સ કરો અને સાથે થોડું ગરમ પાણી પણ ઉમેરો. બેટરને સારી રીતે મિક્સ કરી લો.
- પેનને ગરમ કરો અને તેમાં એક ચમચી તેલ ઉમેરો. ગરમ તવા પર બેટરને ગોળ આકારમાં નાખીને ઉપરથી મનપસંદ શાકભાજી ઉમેરો. ઢાંકીને બંને બાજુથી પાંચ મિનિટ પકાવી લો.
- તો તૈયાર છે પોહા ઉત્તપમ, ગરમ મગફળી કે નાળિયેરની ચટણીની સાથે સર્વ કરો.