‘કોફી વિથ કરણ’ના લેટેસ્ટ એપિસોડમાં, કિયારા અડવાણીએ સિદ્ધાર્થ મલ્હોત્રાના રોમેન્ટિક પ્રપોઝ વિશે એક રસપ્રદ વાત શેર કરી છે. સાથે અનેક ખુલાસાઓ પણ કર્યા છે. કરણ જોહર અને વિક્કીની સામે પહેલી વખત કિયારાએ ચાહકોને જણાવ્યું કે, સિદ્ધાર્થ મલ્હોત્રાને તેમણે પ્રપોઝ કર્યું હતુ.
કિયારા રોમમાં સિદ્ધાર્થ મલ્હોત્રાના પરિવારને મળી
કિયારાએ કહ્યું હતુ કે, સિદ્ધાર્થ મલ્હોત્રાએ પ્રપોઝ કર્યા બાદ તેમણે કરણ ને ફોન પણ કર્યો હતો.કિયારાએ કહ્યું કે સિદ્ધાર્થે બંને પરિવારો સાથે રોમમાં વેકેશનનો પ્લાન બનાવ્યો હતો, પરંતુ કોરોનાને કારણે તેની માતા અને પિતા આ વેકેશનમાં તેની સાથે જોડાઈ શક્યા નહોતા.
તેની ફિલ્મનું શૂટિંગ શેડ્યૂલ પૂરું કર્યા પછી, કિયારા રોમમાં સિદ્ધાર્થ મલ્હોત્રાના પરિવારને મળી હતી.
પ્રપોઝ કરતી વખતે સિદ્ધાર્થે કિયારાને ડાયલોગ બોલ્યો
તમને જણાવી દઈએ કે, ફિલ્મ શેરશાહમાં વિક્રમ બત્રા ડિંપલને પ્રપોઝ કરતા જોવા મળે છે. જ્યાં તે દિલ્હીનો સીધો સાદો છોકરો છું કહેતો ઈમ્પ્રેસ કરવાનો પ્રયત્ન કરી રહ્યો હતો. પ્રપોઝ કરતી વખતે સિદ્ધાર્થે કિયારાને આ જ ડાયલોગ બોલવાનું શરૂ કર્યું અને તે જોરથી હસવા લાગી. વીંટી પહેર્યા પછી, કપલ સિદ્ધાર્થના પરિવારને મળ્યા, જ્યાં મલ્હોત્રા પરિવારના સિદ્ધાર્થના પિતા, માતા, ભાઈ અને બહેન બધા હાજર હતા.
કિયારાએ પોતાની લાઈફની સુંદર વાતો કરણ સાથે શેર કરી હતી. ત્યારબાદ કરણ તેને કહે છે સાંચુ કહેજે રિંગ તે પસંદ કરી હતી ને, ત્યારે કિયારા હાનો ઈશારો કરે છે. તેમણે એ પણ કહ્યું કે, તેને જાણ હતી કે, રોમમાં સિદ્ધાર્થ તેને પ્રપોઝ કરશે.