વિદ્યુત જામવાલ હાલમાં હિમાલયના પહાડ પર નિરાંતનો સમય પસાર કરી રહ્યો છે. ગઈ કાલે તેનો બર્થ-ડે હતો અને તેણે પોતાના કેટલાક ન્યુડ ફોટો શૅર કર્યા છે. થોડા સમય પહેલાં રણવીર સિંહે પણ ન્યુડ ફોટોશૂટ કરાવીને ટીકા વહોરી લીધી હતી. વિદ્યુતે જે ફોટો શૅર કર્યા છે એમાં એક ફોટોમાં તે નદીમાં નાહી રહ્યો છે. બીજા ફોટોમાં તે ઝાડ પાસે બેસીને ચા બનાવી રહ્યો છે અને વધુ એક ફોટોમાં તે નદીકિનારે બેઠો છે.
આ ફોટોને ઇન્સ્ટાગ્રામ પર શૅર કરીને વિદ્યુત જામવાલે કૅપ્શન આપી હતી, ‘હિમાલયની પર્વતમાળામાં હું પાછો ફર્યો છું. ધાર્મિક નિવાસ. ૧૪ વર્ષ પહેલાં જ મેં અહીં આવવાનું શરૂ કર્યું હતું. દર વર્ષે દસેક દિવસ અહીં એકલા પસાર કરવાનો હવે મારા જીવનનો ક્રમ બની ગયો છે.
આલીશાન લાઇફમાંથી સુવિધા વગરના જીવનમાં આવું છું. અહીં મારું એકાંત એન્જૉય કરું છું ત્યારે આપણે કોણ છીએ એ મહત્ત્વનો એહસાસ મને થાય છે. કુદરતી વાતાવરણમાં મારી જાતને શોધું છું. મારા કમ્ફર્ટ ઝોનની બહાર હું પોતાને વધુ કમ્ફર્ટેબલ માનું છું.
હું પોતાને સૅટેલાઇટ ડિશ એન્ટેના રૂપે કલ્પના કરું છું. અહીં એ ઊર્જાનું નિર્માણ થાય છે જેની સાથે હું પોતાને ઘેરી રાખવા માગું છું. ઘરે પાછો આવું છું અને મારી લાઇફના નવા ચૅપ્ટર સાથે નવા અનુભવ માટે તૈયાર થઈ જાઉં છું. સ્થાનિક શેફર્ડ મોહર સિંહે ક્લિક કર્યા છે.’