ચટપટું ખાવાનું મન થયું છે, આ રહી છોલે ભટુરેની રેસિપી

છોલે ભટુરેનું નામ આવે એટલે ભલભલાના મોઢામાં પાણી આવી જાય છે. આ ભલે ઉત્તર ભારતની પ્રખ્યાત વાનગી હોય પરંતુ ગુજરાતમાં પણ તે બહુ ખાવામાં આવે છે. તેમાંય મસાલેદાર છોલે હોય તો પૂછવું જ શું. આજની આ રેસિપીમાં આપણે ઘરે કંઈ રીતે સ્વાદિષ્ટ છોટે ભટુરે બનાવી શકાય તે જાણીશું.

છોલે-ભટુરેની સામગ્રી

2 કપ ચણા
સૂકા આમળા
ચા પત્તી
1 તેજપત્તા
1 તજ
2 એલચી
1 ટીસ્પૂન જીરું
1 મોટી એલચી
8 કાળા મરીના દાણા
3 લવિંગ
2 સમારેલી ડુંગળી
1 ટીસ્પૂન લસણ
1 ચમચી આદુ
1 ચમચી હળદર
1 ચમચી લાલ મરચું
1 ચમચી ધાણાજીરુ
3 ચમચી મીઠું
1 ​​કપ પાણી
1 ટામેટું સમારેલું
1 કોથમીર
1/2 ચમચી ખાંડ
2 કપ મેંદો
1/2 કપ ઘઉંનો લોટ
સૌપ્રથમ આપણે છોલે બનાવીશું.

ચણાને ચાર-પાંચ કલાક પલાળી દો.
પછી એક વાસણમાં ચણાને ચા પત્તી અને સુકા આમળા સાથે ઉકાળો. બરાબર ચણા બફાઈ જાય ત્યાં સુધી ઉકાળો
પછી એક કઢાઈમાં તેલ ગરમ કરો વઘાર માટે.
તેમા તેજપત્તા, તજ, જીરું, કાળા મરી અને લવિંગ ઉમેરો.
હવે ડુંગળી ઉમેરો અને ગોલ્ડન બ્રાઉન થાય ત્યાં સુધી શેકી લો.
પછી તેમાં લસણ, આદુ, હળદર, લાલ મરચું, ધાણાજીરું, જીરું પાઉડર અને મીઠું ઉમેરીને બરાબર મિક્સ કરો.
પછી તેમાં પાણી ઉમેરો અને હવે બાફેલા ચણા અને સમારેલા ટામેટાં ઉમેરો.
તેને સારી રીતે મિક્સ કર્યા પછી તેને બીજા કૂકરમાં કાઢી લો. કોથમીર ઉમેરી થોડીવાર પાકવા દો.
હવે તમારા છોલે તૈયાર છે.
ભટૂરે બનાવવાની રીત:

એક બાઉલમાં થોડી ખાંડ અને પાણી ઉમેરી સારી રીતે મિક્સ કરો.
વાસણમાં મેંદો અને ઘઉંનો લોટ લો. તેમાં મીઠું અને પાણી ઉમેરી લોટ બાંધો.
પછી કપડાં વડે થોડીવાર ઢાંકી દો.
પછી તેને રોટલીની જેમ વણીને તેલમાં તળો.
પછી છાશ અને છોલે સાથે સાથે ગરમા ગરમ પીરસો.