કોઈપણ ભારતીય વાનગીનો સ્વાદ વધારવાનું કામ ચટણી કરે છે. નોર્થથી લઈને સાઉથ સુધીની દરેક જગ્યાએ અલગ-અલગ પ્રકારની ચટણી બનાવવામાં આવે છે. તમે ફુદીનો, કોથમીર, નાળિયેર વગેરેની ચટણી તો ઘણવાર ખાધી હશે, પરંતુ શું તમે ક્યારેય ડુંગળીની ચટણી ટ્રાય કરી છે? આ ખાવામાં જેટલી ટેસ્ટી લાગે છે તેટલી જ તેને બનાવવી પણ સરળ હોય છે. તમે તેને ઢોસા, ઉત્પમ, પરાઠા વગેરે સાથે સર્વ કરી શકો છો.
તે તમામ ડિશનો સ્વાદ અનેક ગણો વધારી દે છે. આજે અમે તમને ડુંગળીની ચટણીની રેસિપી વિશે જણાવવા જઈ રહ્યા છીએ. તે ખાવામાં ખૂબ જ સ્વાદિષ્ટ હોય છે અને તમે તેને થોડી જ મિનિટોમાં બનાવી શકો છો. તો ચાલો જાણીએ તેને બનાવવાની રીત…
સામગ્રી
ડુંગળી – 1, લીલા મરચા 2-3, કેરીના અથાણાનો મસાલો, સ્વાદ મુજબ મીઠું, દેશી ઘી 1 ચમચી
બનાવવાની રીત
સૌથી પહેલા ડુંગળીને છોલીને ધોઈ લો. પછી ડુંગળીને ટુકડામાં કાપી લો. હવે આ ટુકડાને મિક્સર જારમાં નાખો. સાથે જ લીલા મરચાના ટુકડા નાખો. ત્યારબાદ તેમાં અથાણાનો મસાલો મિક્સ કરો.
અથાણાના મસાલામાં તેલ અને મીઠાની માત્રા એકદમ પરફેક્ટ હોય છે. જે આ ચટણીને એક ટેસ્ટી ઈન્સ્ટેન્સ આચારનો ફ્લેવર પણ આપે છે. જે બાદ આમાં થોડું મીઠું પણ ઉમેરો. હવે મિક્સરની જારમાં આ ડુંગળીને બેથી ત્રણવાર હલાવો. જેથી કરીને એકદમ પેસ્ટ ન બને, પરંતુ ડુંગળીના ટુકડા થઈ જાય અને ડુંગળી થોડી ગ્રાઈન્ડ થઈ જાય.
હવે એક કડાઈ લો, તેને ગરમ કરવા મુકો. જે બાદ તેમના ઘી નાખો. જ્યારે દેશી ઘી ગરમ થઈ જાય ત્યારે ગ્રાઈન્ડ કરેલી ડુંગળીને કડાઈમાં નાખો. એકથી બે મિનિટ માટે હાઈ ફ્લેમ પર શેકી લો.
તૈયાર છે સ્વાદિષ્ટ મસાલેદાર ડુંગળીની ચટણી. તેને પરાઠા અથવા પુરી સાથે સર્વ કરો. તેને ખાઈને મજા પડી જશે.