બદલાતી ઋતુમાં બદામ શેક પીવાની એક અલગ જ મજા હોય છે. બદામ સ્વાસ્થ્ય માટે ખૂબ જ ફાયદાકારક માનવામાં આવે છે, તેનાથી યાદશક્તિ પણ વધે છે. બદામ મગજને તેજ બનાવે છે. આમ તો ઘણી વાનગીઓમાં બદામનો ઉપયોગ કરવામાં આવે છે, પરંતુ બદામ શેક એક ખૂબ જ સરળ રેસિપી છે. આ સ્વાદિષ્ટ બદામ શેકમાં તમને બદામની સાથે એલચી અને મલાઈનો સ્વાદ પણ મળશે.
તો આજે અમે તમને તેની સરળ રેસિપી વિશે જણાવીશું.
બદામ શેક બનાવવા માટેની સામગ્રી
- દૂધ
- બદામ
- કસ્ટર્ટ પાવડર
- ખાંડ
- એલચી
- ડ્રાય ફ્રુટ્સ
બનાવવાની રીત
તેને બનાવવા માટે સૌથી પહેલા બદામ અને એલચીને પલાળી દો. પછી બીજા દિવસે સવારે એક તપેલી લો અને તેમાં દૂધને સારી રીતે ઉકળવા માટે રાખી દો.
પછી એક નાના બાઉલમાં થોડું દૂધ લો અને તેમાં કસ્ટર્ડ પાવડર મિક્સ કરી લો. હવે ઉકળી રહેલા દૂધમાં આ કસ્ટર્ડ પાવડરને મિક્સ કરી દો.
આ દૂધમાં ખાંડ પણ ઉમેરો. પછી પલાળેલી બદામને છોલી લો અને તેમાં એલચી અને થોડું દૂધ નાખીને પીસી લો. આ પેસ્ટને પણ ઉકળતા દૂધમાં મિક્સ કરી દો.
હવે દૂધને ઘાટું થવા દો અને પછી તેમાં સમારેલી બદામ ઉમેરી દો. આ દૂધને ઠંડુ થવા દો અને પછી તેને ગ્લાસમાં નાખો અને બદામથી ગાર્નિશ કરીને સર્વ કરો.